مدينة كتم

على قدر أهل العَزْمِ تأتى العزائِمُ وتأتى على قدرِ الكرام المكارِمُ
وتعظُمُ فى عين الصَّغيرِ صِغَارُها وتصغر فى عين العظيم العظائِمُ
حللت اهلا ونزلت سهلا
مرحبا بك فى منتداك منتدى مدينة كتم , وانشاءالله تفيد وتستفيد , ومنتظرين منك الكثير الكثير فلا تحرمنا من ابداعاتك ومقترحاتك ومساهماتك .
مدينة كتم

كن النخيل عن الأحقاد مرتفعاً . . يرمى بالصخر فيُلقى بأطيب .الثمر .منتدى مدينة كتم البيت الكبير وحلقة الوصل ورابط اخاء وتواصل لكل ابناء وبنات كتم الخضراء الوارفة بكل ميولهم الاجتماعية والثقافية والرياضية, والى كل من يحب الجمال والبراح والطيبة, فمرحبا بكم


    ونسه حبوبات راقيات

    شاطر
    avatar
    mshaybo
    مشرفه

    عدد المساهمات : 15
    نقاط : 2702
    السٌّمعَة : 3
    تاريخ التسجيل : 06/08/2011
    الموقع : canada

    ونسه حبوبات راقيات

    مُساهمة من طرف mshaybo في الجمعة أغسطس 19, 2011 5:26 pm

    تعالو كدااااااااااااا نفكر زمان حبوباتنا اساميهم

    كلتوم ونفرين وست البنات ودار النعيم

    اما بعد سنتين تلاته حيتغير الحال وكمان العادات حتتغير

    قالت حبوبة (أروي) مخاطبة حاجة "شاهيناز" التي كانت منهمكة في فرك البامية المحورة جينياً
    - والله يا شاهيناز أنا ما عارفاك بتفركي كيف بي (مفراكة الليزر) دي الناس بقو يفركو بي (المفراكة الكهرومغناطيسية ..
    ردت عليها حبوبة (أروي) وهي تطفئ البوتجاز الذي يعمل بالرمود
    - نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك
    أمس حاجة هيام بت هيثم ود لؤي عملت شنو؟! ..

    نططت حاجة شاهيناز عيونها تهيؤاً لاستقبال الشمار وقالت:
    - مالا ؟! .. أنا عارفاها دي زولة عندها (ضلالات عدمية) تلقاها سوت ليها
    عملة كبيرة!!

    أجابتها حبوبة أروي:
    - أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللاب توب) بتاعا وعاملة (شات) مع واحد عجوز من (بلاد المحيط الاطلنطي) .. تصوري المرا الما بتخجل دي! ..

    ومواصلة لهذه (القطيعة الإلكترونية) قالت حاجة شاهيناز :
    أنا زاتي المره دي (كجنتها) من ما سوت لينا القهوة في الجبنة الصانعنها من (معدن التيتانوم) ، يعني ما سمعت بي (جبنة الألياف الضوئية

    أضافت حاجة أروي في استهجان:
    والله صحي (الماوس ما بزيل بلم) .. العالم بتقدم وديل لسع في التخلف لكن إنتي أمس مالك ما مشيتي معانا لي الاحتفال بالذكرى السنوية لـ (جولدن جلاشو) عالم الفيزياء المشهور

    أجابتها حاجة شاهيناز:
    أمس بعيد عنك مشيت أفحص (الجينات) بتاعتي .. أصلو عندي (جين) كده مغلبني قلت أقلعو أرتاح منو مرة واحدة .. وبالمرة غشيت الصائغ غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية سنة ضوئية.!

    هزت حبوبة أروي رأسها وقالت :
    والله بقيتي خطيرة عديييل .. غوايش البتاع القلتيهو ده أنا زاتي ما سمعت بيها .. كدي وريني واحدة

    قالت لها حبوبة أروي :
    ديل يا اختى للمناسبات بس ما بطلعو بيهن ساي ثم رفعت حاجبها الأيسر باندهاش مفتعل وأضافت
    وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون

    سحبت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله ثم قالت:
    حاجاتك القلتيها دي أنا صاح ما مرت علي .. لكن إنتي برضو ما سمعتي بي الكفتيرات الجديدة البتعمل بي (موجات ألفا) و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..
    وعندك كمان (الحلة الفوتونية) ودي بتنجض الملاح بـ (الطاقة القمرية) ...

    وفي هذه اللحظة دخل عليهن (حاج رامي) زوج حبوبة أروي وهو في الثمانينات .. وتوقف موارباً للباب ليتصنت على هذا (البوباريشن) المعتق ، سمع حاجة شاهيناز تواصل حديثها لزوجته حبوبة رؤية وهي تقول: وبعدين أنا ولدي المغترب في (كوكب نبتون) جاب ليهو (ولد آلي) صغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال:
    قومن يا نسوان سون لينا الغدا وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية)

    تريحنا من نقتكن الكتيرة دي




    شاركونا وشاركو حبوباتنا الراقيات الفشخره من هذااااا القبيل


    _________________
    إن مرت الأيام ولم تروني فهذه مشاركاتي فـتذكروني ، وان غبت ولم تجدوني أكون وقتها بحاجة للدعاء فأدعولي



    أذكروني ..فنحن في الفراق .. نعانق الذكريات[
    avatar
    hejazy bakhite
    مشرف القسم الثقافى

    عدد المساهمات : 29
    نقاط : 2720
    السٌّمعَة : 3
    تاريخ التسجيل : 12/08/2011
    العمر : 31

    رد: ونسه حبوبات راقيات

    مُساهمة من طرف hejazy bakhite في الإثنين أغسطس 22, 2011 8:00 am

    [b]ها ها هاهااا والله جنس الفشغرة العليهن حبوبات اخر زمن flower


    _________________
    [ flower size=24][/size[coالمسبعات flower lor=red]][/color]
    avatar
    amir bukheit hussein
    المدير العام

    عدد المساهمات : 238
    نقاط : 3276
    السٌّمعَة : 21
    تاريخ التسجيل : 21/04/2011
    العمر : 35
    الموقع : Nairobi - kenya

    رد: ونسه حبوبات راقيات

    مُساهمة من طرف amir bukheit hussein في الإثنين أغسطس 22, 2011 9:52 am

    mshaybo كتب:تعالو كدااااااااااااا نفكر زمان حبوباتنا اساميهم

    كلتوم ونفرين وست البنات ودار النعيم

    اما بعد سنتين تلاته حيتغير الحال وكمان العادات حتتغير

    دى بعد ما انتو تصلن المرحه ديك , طبعا بعد طول عمر .


    قالت حبوبة (أروي) مخاطبة حاجة "شاهيناز" التي كانت منهمكة في فرك البامية المحورة جينياً
    - والله يا شاهيناز أنا ما عارفاك بتفركي كيف بي (مفراكة الليزر) دي الناس بقو يفركو بي (المفراكة الكهرومغناطيسية ..

    كده العلم ولا بلاش .

    ردت عليها حبوبة (أروي) وهي تطفئ البوتجاز الذي يعمل بالرمود
    - نسوي شنو يا بت أمي نحنا لسه ما دخلنا في عصر الصرخة العلمية لكن أسكتي ساي ما وريتك
    أمس حاجة هيام بت هيثم ود لؤي عملت شنو؟! ..

    صراحه ده حيكون الجيل الرابع بعدنا (يعنى احفادنا )


    نططت حاجة شاهيناز عيونها تهيؤاً لاستقبال الشمار وقالت:
    - مالا ؟! .. أنا عارفاها دي زولة عندها (ضلالات عدمية) تلقاها سوت ليها
    عملة كبيرة!!

    أجابتها حبوبة أروي:
    - أمس مشيت ليها البيت كنت دايرة لي (ثالث كرومات السايكوبالتيك) عشان ألون الخبيز .. لقيتا ليكي ماسكة (اللاب توب) بتاعا وعاملة (شات) مع واحد عجوز من (بلاد المحيط الاطلنطي) .. تصوري المرا الما بتخجل دي! ..

    (ثالث كرومات السايكوبالتيك)ده بتفع فى الحنه كمان , مالك بتعاينى لى كده ؟ قالتو حبوبتى طبعا .

    ومواصلة لهذه (القطيعة الإلكترونية) قالت حاجة شاهيناز :
    أنا زاتي المره دي (كجنتها) من ما سوت لينا القهوة في الجبنة الصانعنها من (معدن التيتانوم) ، يعني ما سمعت بي (جبنة الألياف الضوئية

    صراحه دى قلت زوق منها .

    أضافت حاجة أروي في استهجان:
    والله صحي (الماوس ما بزيل بلم) .. العالم بتقدم وديل لسع في التخلف لكن إنتي أمس مالك ما مشيتي معانا لي الاحتفال بالذكرى السنوية لـ (جولدن جلاشو) عالم الفيزياء المشهور

    ههههههههههههه لا لا لا دى قويه .

    أجابتها حاجة شاهيناز:
    أمس بعيد عنك مشيت أفحص (الجينات) بتاعتي .. أصلو عندي (جين) كده مغلبني قلت أقلعو أرتاح منو مرة واحدة .. وبالمرة غشيت الصائغ غيرت غوايشي بي معدن نفيس جديد إسمو (الزرانكلينيوم) جابوه من كوكب ما متذكراهو لكن بدور حول نجم اسمو (لالاند) مننا زي تمانية سنة ضوئية.!

    تتصورو الحبوبه دى جارتنا , والجين الكانت مغلباها دى جين الكسل , والحمدلله استأصلتا , العقبال عند.

    هزت حبوبة أروي رأسها وقالت :
    والله بقيتي خطيرة عديييل .. غوايش البتاع القلتيهو ده أنا زاتي ما سمعت بيها .. كدي وريني واحدة

    قالت لها حبوبة أروي :
    ديل يا اختى للمناسبات بس ما بطلعو بيهن ساي ثم رفعت حاجبها الأيسر باندهاش مفتعل وأضافت
    وبعدين إنت الظاهر عليكي برضو ما سمعتي بي شنطة اليد الجديدة العاملنها من (رقائق السيلكون

    سحبت حاجة شاهيناز نفساً عميقاً وهي تجهز عبارات مناسبة لترد بها هذه الهجمة الشرسة لترد لها البوبار بمثله ثم قالت:
    حاجاتك القلتيها دي أنا صاح ما مرت علي .. لكن إنتي برضو ما سمعتي بي الكفتيرات الجديدة البتعمل بي (موجات ألفا) و لا بـ (الكمشة الاستقطابية) .. ودي كمشة بتغرف الملاح براها وبتكبو في الصحن ..
    وعندك كمان (الحلة الفوتونية) ودي بتنجض الملاح بـ (الطاقة القمرية) ...

    وفي هذه اللحظة دخل عليهن (حاج رامي) زوج حبوبة أروي وهو في الثمانينات .. وتوقف موارباً للباب ليتصنت على هذا (البوباريشن) المعتق ، سمع حاجة شاهيناز تواصل حديثها لزوجته حبوبة رؤية وهي تقول: وبعدين أنا ولدي المغترب في (كوكب نبتون) جاب ليهو (ولد آلي) صغيروني يساعد مرتو في تقطيع السلطة وغسيل العـدة .. وفي هذه اللحظة دخل حاج رامي وقال:
    قومن يا نسوان سون لينا الغدا وخلن (الفشخرة) الفاضية دي .. وأضاف في سره بغضب وان شاء الله تقوم بيكن قنبلة (بوزوترونية)

    تريحنا من نقتكن الكتيرة دي

    مديحه مديحه مديحه , لكى الاف التحايا على الونسه الرائعه دى
    حدثت عنك نجمه جارة وتراءت اسمك حاره حاره .



    شاركونا وشاركو حبوباتنا الراقيات الفشخره من هذااااا القبيل


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.

      الوقت/التاريخ الآن هو الجمعة نوفمبر 16, 2018 2:26 pm