كلمات أغاني الفنان محمد وردي

الله ليلى كلمات الشاعر إسماعيل حسن - أداء الإمبراطور محمد وردي

الله ليلي ..
شن تشبه بلا الداسنو فى بطن المطامير
لدروبك انتى ما شقن بوابير
يا قشيش نص الخلا الفوق فى العتامير
البكركر رعدو و ديمة سماهو عكير
السمح مرعاك يا قش التناقير

الله ليلي ..
الزول الولوف لى قلبى خراب
أنا بمشى و اتلفت لما النهار غاب
حديثك لى اكيد انا.. ولا كضاب
حد ما لملموهن خاطرى ما طاب
يا حليل أمونه فى غرب الضياباب

الله ليلي ..
يا عجو المحس التقيل
التقيل فدع العراجين
انتى ما بدوك لى زولا مسيكين
الا واحدا نخلو مقرون فى البساتين
سواقيهو تصحى الكانوا نايمين
حليلك يا أم جبين يا بدر دورين
صديرك عام تقول غرر الوزازين

الله ليلي ..
جات تندلى بالوديان عديلة
الكاحلة بلا كحل.. بت القبيلة
تمشى قدم قدم فى المشية ريلة
و تشكى من الطريحة تقول تقيلة
نفيسك شمعوه جوة الفتيلة

أحلى فصول العمر حنانك
أجمل حته لقيتها مكانك.
أجمل سكه مشيتها عيونك
أحبك – أنا مجنونك
ساكن فيني هواك وبريدك
جوا القلب النبض يصونك

معاكِ معاني حياتي تبدأ
وافتح بابا ياما انسدّ
وأشوف العالم ربوه جميلة
عليها نسيم الصبح مخده
وبينى وبين النهر عشانك
عشره بتبدأ
وبين عيني وخد الوردة
بتبقى موده
وأصالح روحي وتبرا جروحي
وابشّر باسمك اهلل أغنى
و اقيف إتحدى

أديتينى مشاعر حيه
عوضتيني الزمن الماضي
زمن الجرح الأكبر منى
وقاسى علىّ
وبيك صادفني ولقى عنواني
رزاز الفرح الخلاّ الجيه
أريت صادفني حنانك بدري
ولو لاقيتك بدري شوية