مدينة كتم

على قدر أهل العَزْمِ تأتى العزائِمُ وتأتى على قدرِ الكرام المكارِمُ
وتعظُمُ فى عين الصَّغيرِ صِغَارُها وتصغر فى عين العظيم العظائِمُ
حللت اهلا ونزلت سهلا
مرحبا بك فى منتداك منتدى مدينة كتم , وانشاءالله تفيد وتستفيد , ومنتظرين منك الكثير الكثير فلا تحرمنا من ابداعاتك ومقترحاتك ومساهماتك .
مدينة كتم

كن النخيل عن الأحقاد مرتفعاً . . يرمى بالصخر فيُلقى بأطيب .الثمر .منتدى مدينة كتم البيت الكبير وحلقة الوصل ورابط اخاء وتواصل لكل ابناء وبنات كتم الخضراء الوارفة بكل ميولهم الاجتماعية والثقافية والرياضية, والى كل من يحب الجمال والبراح والطيبة, فمرحبا بكم


    كلمات اغانى مجموعة عقدالجلاد .

    شاطر
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 10:36 am


    نورا - حميد

    هيْ .. أقيفِنْ ..
    نورا فِيكِنْ ؟ . ؟
    نورا ... نقّاحة الجِّروفْ ..
    نورا ... حَلاّبة اللِّبيني ..
    للصغيرين والضِّيوفْ
    نورا ساعة الحَرْ يولِّعْ ..
    تنقلِبْ نسمة وتطوفْ
    تَدِّي للجيعان لقيمة
    وتَدِّي للعطشان جغيمة
    والمَخَلِّي الحال مَصَنقِرْ ..
    في تَقَاة اللّيل تَندْقِرْ ..
    تدِّي لي باكر بسيمة
    تَكْسي للماشين عَرَايا
    وفوقا ينقطّعْ هديمه

    ***
    ما عِرفتِنْ ... نورا إنْتِنْ .. ؟
    قولِنْ إنتن شِنْ عِرفْتِنْ ؟

    نورا بِتْ الواطة
    أخيتي ..
    نورا اخُتْ كُلّ الغلابة
    نورا حاحاية الشّقاوة ..
    نورا هَدّاية الضّهابة
    الأراضي اليَاما أدّتْ ..
    نورا ... بقّتْ من تُرابه
    وماشي في الأعماق سحابه
    مشتهنِّها .. والله جابه
    الله جابه ... الله جابه
    للجنوب طبلاً يَهَدْهِدْ ..
    ليل مشاعر ناس تعابة
    وللشّمال طنبور يَسَكِّتْ ..
    دمعة الميتين كآبة

    ***
    ما عِرِفْتِنْ نورا إنتِنْ .. ؟
    قولِنْ إنتن شِنْ عِرِفْتِنْ ؟

    ***
    نورا ....
    عايز تقرأ .... قالتْ
    فوقا حيطة الدِّنيا مَالتْ
    خَتّتْ الكرّاس وشَالتْ
    منجلاً .... صَالَتْ بو جَالَتْ
    لامِنْ إنجرحت بو شالَتْ
    لي التراب فوق إيده كَالَتْ

    ***
    ومَرّة يوم في الدُّونْكَا لِدْغَتْ
    جاء الفقير بالليل حَوَاهَا
    ويوم ملاها الهم قطايع ..
    جاء البصير بالنّار كَوَاهَا
    ونورا ... ما قِدْرَتْ تمانع ..
    تقنع النّاس المعاها
    مرة شافت في رؤاها ...
    طيرة ... تاكل في جناها
    حيطة تِتمغّى وتفلّعْ ..
    في قَفَا الزّول البناها
    في جنينة سيدي سِمْعَتْ ..
    شتلة تصقع لي الوَرَاها
    الأرض ..
    لابُدَّ
    ترجع ...
    للتِّعِب فوقا ورعاها ...
    غيمة ... والنِّيل موجو لاها
    والعطش شقّقْ شفاها
    الشّمس طَبَقت ضُحَاهَا
    الخليقة لقت إلاها
    نار ....
    عقاب إنسان مكسّر ..
    فوق تَلَكِّيات متاهة
    وضَوْ من الله .. رهاب مكتّفْ
    في وتيد اللّيل معاها
    بين ربوع حَضَره وخلاها
    فَسّرَتْ لي النّاس رُؤاها
    وقالوا .... جَنّت .... ومو براها
    ونورا زادت فوق شقاها

    و صَدّتْ الأيام .... تحُشْ
    تبني لي عصفورة عُشْ
    في السّواقي تشوف عزاها
    لما شوقه يسوِّي .. أُشْ !!!
    تملا ... تزرعْ
    ترعى .. تقرع
    للنهار في الليل تخُشْ
    عِرْفَتْ الشّقَا والشّقَاوة
    إلاّ ....
    ما عرفت تغُشْ !!!

    ***
    شايلة طولة البال من الله ..
    ومن أراضينا الإثارة
    وماشي تكدح طول نهاره
    وترجى لما الليل يَفلِّلْ ..
    تسرِق ألمي عشان خداره
    عشان صغاره ..
    عشان خداره
    عشان صغاره ..

    ولما ترجع لي دياره
    تنزف أحلام الفقارى
    من عويناته الحيارى

    ***

    لي غُبار الحال تقُشْ
    فوقو لي الآمال ترُشْ
    نورا ....
    تقعد
    صاحيي تحلم ..
    بي بيوت بي نور ودُشْ
    وبالمحبة تشُق دروبه ..
    ولي قلوب الكل تخُشْ
    نورا ...
    تحلم بي وجود
    ما مشت بينو القيود
    أفضل أفضل بي الكتير ..
    بي وطن من غير حدود

    ***
    نورا تحلم بي عوالم
    زي رؤى الأطفال حوالم
    لا درادر ..
    لا عساكر ..
    لا مظاليم
    لا مظالم

    ***
    نورا تحلم ..
    ولما تحلم ..... نورا ترجِفْ
    ولما ترجف .... نورا تحلم ..
    ولما ريح الواقع المُرْ ..
    لي عشيش أحلاما ينسِفْ
    نورا ..... تنزِفْ
    وفي الوجود .. وجدانه يهتفْ
    حالة .. تقرِفْ ..
    حالة تكسِفْ ..
    حالة تكسِفْ ..
    حالة تقرِفْ ..
    وتبدا تقضِفْ ..
    ولما تقضِفْ
    بالا يهتِفْ ..
    وتملا باله أحلام بتلصِفْ
    يوم حا تنصِفْ
    يوم حا تنصِفْ
    نورا ..
    لسّه بعيد ..
    هناكَ ..
    وتبدأ تحلم ..
    ولما تحلم نورا ترجِفْ
    ولما ترجف نورا تحلم
    صاحيي تحلم ..
    وصَاحْ بتحلَمْ
    صاح بتحلَمْ
    بتحلم صاحْ ..



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 10:41 am

    مسدار أبوالسرة

    محمد طه القدال

    أماتى القبيل بى حنهن لجنى
    كرفة وقلدة كيف شوق اللبن رجنى
    حزناً جانى من ميع الصبا يلجنى
    اطلع منى يا جلدى المنمل جنى
    واطلع منى يا حزناً بقى مكجنى
    خلنى أبدا مسدارى
    وادي قفايا لى دار بقت مى دارى
    جيتاً
    وجلدى بينو وبين عضايا الشحمة
    إلا النار بقت قدامى
    جلدى الليلة بينو وبين عضايا المافى
    إلا ترانى شوال الكبس
    نفيخ جراريب الورم هدامى
    فى جلدى الورم قولنلى
    واللا صحى الورم عضامى

    سفريتك مى فى النيه
    ماها الكانت محرية
    خابراك عريف..
    ذم الغربان واللا قيام الوردية
    مالك ؟؟
    تريان ومندى
    كاسى الكتان والهندى
    قولك ككيف ترجى البيشان
    واللا الغربة البى الزندى
    برقاً عبدلى الوزن
    يا طاش ... يا جاب المزن
    فرق يا الضيف
    فعل الغضبان
    ام فرفيرات الحزن
    وشن القعدة يا أبوالسرة
    شن القعدة فى ضل العمارات أم كمرة بره
    ضقنا الحنضل اليانكى
    وبلعنا المرة
    كملت كوتة التمباك
    صقعن الجره
    ووكت اتقفلت شقيش
    قبل بى الحره
    نرمى أمرنا فى بلد المعانى الحره
    الشمس خوخت بردن ليالى الحره
    والبراق برق من منـا جـاب القره
    شوف عينى الصقير بجناحو كفت الفره
    تلقاها أم خديـد الـليـلة مرقـت بره
    مرقت بره تغلى مديدة الحلبة التسمن ردفها
    السمن المبستر يانكى
    والويقود بعيرات الدخان فى العين
    وفى الفشفاش يسوى عمايلو
    شن فايدة مديدة الحلبة والويقود بيشيلو اليانكى !!
    يا أبوالسرة
    قامت من دخاخين العمى تلمع وشيها
    اليانكى مستنيها
    كان اليانكى مستنيها فى مراية السجم فى الليل
    لقيتها متل فريخ الطير
    مرق ود عينها من ودعينها
    رجافة المزمل حمى
    جفلت منو وقعت عندى
    صدرها بيغلى
    يا أبوالسرة
    شفت اليانكى فى ود عينها
    سقتها للبحر
    يمكن يغسل عينيها من اليانكى
    فتنا الحجرة بالكته وغطسنا مسافة
    تبقى قدر مسالك الريدة
    وما لاقانا من يغبانا فى البحر الفدر تحتانى
    ناس عارفاها
    ناس عارفاكا
    ناس عارفانى
    نادينا القعوى والبلطى
    قرقور السمك ودانا لى دابى الخشش
    نادينا عمال الطمى الصارقيلا
    والقرموط وودالموية
    وفتنا عليها كانت نايمة
    عجال البحر حارساها
    كانت نايمة بين حجرين وضل ساسوية
    وعمال الطمى الصحونا لمو حصى البحر
    قسموه يات من كان سبع جمرات
    دابى الخشة قال :
    ادوها فى الجمرات ثلاث سبعات
    قلنا :أدوها فى الجمرات ثلاث سبعات
    مسكنا دربنا
    وعمال الطمى الصحوها
    خابرين الدروب
    مرقوبنا فى مشرع مسارب الضى
    لقينا الدنيا تترجانا
    قوقا القمرى خوى صقير وعوى حدى
    وعمال الطمى الصحونا
    لمو على البعرفو الصى
    حصى القيزان
    دوابى الدرقة والسحلية
    والناس التحت
    الناس التحت خابرين عمايل اليانكى
    مرة معونة لى اللغاف
    ومرة دوانكى
    شن معناهو جيبها إن كان ملوها بوامكى
    وصوتها مكتومو القربين سيوف وسوانكى
    قولن لى الاخلو ديارو
    دمك فرهد فى نارو
    غور فى الأرض
    طارو صقرين أولاد الأرض ما طارو
    لحمى غطى بن عمى شو صار حلو يا إمى
    منديل العرض فى بيت الدين
    دمى ما يخلى دمى
    أنا من دير ياسين
    صرنا فى جزر التنين
    عم نسقى بعض
    حب الزيتون بدو يرجع للطين
    صابر تحت الدورية
    صابر فوق الدورية
    يا حال الصد
    لحم الطفلين نابت غصن الحرية
    جذرى مو فى شاتيلا
    ما قال حالى ويلا
    حنا فى الأرض أرض فلسطين
    يا أمى هيلا هيلا
    يا أمى هيلا هيلا
    هيلا
    هيلا

    هيلا وهيلا يا أبوالسرة كج العين
    تخبر الشينة من الزين
    تفرز الطارى من السارى
    يا أبو السرة كج العين
    ومدو صباعك السبابى
    قول لى الغافى يا زول هوى
    وهوي يا غافى يا زول هوى
    أرخى الغردة للعنافى
    شد القمرى بالحوباى
    فى مسدارنا شلنا نهارنا
    فى إيدنا من ساسو البحر عقدين
    مسكنا دربنا
    وعمال الطمى الصحونا
    خابرين الدروب مرقوبنا فى
    مشرع مسارب الضي
    لقينا الدنيا تترجانا
    قوقا القمرى خوى صقير وعوى حدى
    وكنا جماعة
    دابات الأرض والسايمة
    عوامة البحر والطير
    وحتى الغيمة قصاصة الأتر
    فوق راسنا شايفة الدرب
    ضنيب اليانكى
    قال القمرى لى الضليلة :
    خلك صاحية زوغ اليانكى لا يودرنا
    قال الدابى :
    إن يغباها ما بيغبانى
    ولما الشم مودعة غاربة
    وصت جملة الصقار عيونهن كاربة
    أبقو ألف
    بفوت لى المتلكن ناهضين
    وفوق ديناب عريباً غادى
    قال السحلى لا تغشوهو
    ديل غربان توابع اليانكى
    وخلوها العريب الغايبة
    السراق طبيقو معاهو
    تيجاناً عروشها الخروع
    الهش العويش
    النار تلعب فوق عقال العرش
    ولا خسانا بى هادى العروش الهاربة
    يا أبوالسرة .. لا عقال
    مسكنا دربنا
    والشمس البتوقد فوقنا
    ولم لميمها
    لم لميمها والشمس البتوقد فوقنا
    شد شديدنا لا التمثال مشيل روقنا
    عالم مر يدوعل فوقنا
    لى يوم سوقنا
    نبصق فيهو .. فى عينيهو جر واسوقنا

    يا شمس طلى .. طلى
    شاورى ع بيتى دلى
    كيال الكيل .. ختيارى مات
    ظلى عم يحرس ظلى
    عادل ع خيي ميلى
    خيي ما يحمل شيلى
    ما خف الشيل
    تانى المرات ناطر رصاصى سيلى
    عينى فى الفيل ما ظله
    كلنا نداريه ما نضله
    ياويل الويل
    نرمى الجمرات عد المستشهد كله
    نرمى الجمرات عد المستشهد كله


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 10:43 am

    الطمبارى والغناى
    القدال


    نحن اهل الفرحه جينا

    لاالمدامع وقفتنا ولاالحكايات الحزينه

    لما درب الرايحه جابنا جابنا في هادى المدينه

    ياولدى الدروب شقاقا بحر التيه

    ليك درب ولا دربين مساك الدروب ضهاب

    ليك قلب ولا بالين وسواى القلوب كضاب

    ليك ضهر ولاسرجين ركاب السروج وقاع

    شق ياولدى بحر التيه بتتدردر وتتودر

    ولامن يوم علي تايتنا ديك ترسي

    نعزك بالقبيل داخرنو ليك

    الشوق بحر ياولدى بحراً تيه

    قت ليك العليك ادرابو لا تنغش ولا ترضابو لاتنغش

    في الزمن الزمين والكي يسوهو خلاف عشان الني

    عليك الدور وتصريف الليالي بدور تشيل ما شلنا من الهم

    ولا من دمعه ترمي الدمعه فوق دربك

    روح يابا .. وابق قفاك لاتعاين ولاتعاين علي موطاك

    ولا تندم علي خطوا تملي مشيتو لى قدام

    وابقي العاتي زى سنطتنا زى صبرا نلوك فوق مرو زى الزاد

    لاشيتاً نزل في الجوف ولابرجع ولا بنزاد

    واركز للبجيبها الريح تقيف انت ويشيلها الريح

    وابقي العاتي والدرب الوراك مسدود و شيل شيلتك

    بقيت للنص لاحلما بجيب البر ولا حدود

    وانبليتا اختا الرمله ما تقع البكان الهش

    هي الممطوره مابتبالي من الرش

    النعمه بتعرف عاطيها والجمره بتحرق واطيها

    بالكيله عطانا و ما لقينا فوق جمر خطانا وما لقينا

    يوم الوعد ياحليوه فيك الدنيا ما كانت شروق

    الا الارض متكشفه متبلمه نعمنو من خير الخريف

    لافحالها شال منطرحه خضرا وفرحه دوب تتشابي لي عين الشمس

    من بت حليوه النفس بيضا كذا الحليب

    والروح مشحتفه في البلود الفيها ريحتك

    للبعود من فزعة الغربة البساسق فوكا

    مو راجع ولا بالحيل قريب

    الروح مشحتفه في الحبيب القلب بكر الدنيا ما شافت جديدو

    ولا الحزن دقالو باب

    وشفتي كيف يوم الوعد كيفنو مترامي الغمام

    والقمري زغرد للبلوم النسمه هبت مرتين

    يا حليوه يوم دقيت بارضك فاس خصيب والتانيه في

    يوم الوعد والايد تسالم في الايدين

    والام تقالد فوق جناها تشمو زين

    وحليوه صاحيه حليوة ضاحيه كذا النسيم

    والدنيا غيم وحليوة جد جد ياولد قول للبلد

    قايل غناوي الحزن ليش شايل مساديرك مجامر دمع ليش

    ليش يا بلد والناس تريد والدنيا كل ما نريد تزيد

    تملا الايدين تفرح تهش

    لو صحيح غنينا بالدمعه الحميمه ولو دموع الفرحه ما لاقت غنانا

    بكره نرجع تاني للكلمه الرحيمه شان هنانا شان منانا

    شان عيون اطفالنا ما تضوق الهزيمه


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 10:54 am

    عذراً حبيبي

    فاروق جويده

    فى كل عام كنت أحمل زهرة
    مشتاقة تهفو إليك
    فى كل عام كنت أقطف بعض ايامى
    وانثرها عبيراً فى يديك
    فى كل عام كانت الأحلام بستانا
    يزين مقلتى ومقلتيك
    فى كل عام كنت ترحل يا حبيبى فى دمى
    وتدور ثم تدور
    ثم تعود فى قلبى لتسكن شاطئيك
    لكن أزهار الشتاء بخيله
    بخلت على قلبى كما بخلت عليك
    عذراً حبيبى
    إن اتيت بدون أزهارى
    لألقى بعض احزانى لديك


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 10:57 am

    ياليلى ليلك جن

    الشيخ المكاوي


    يا ليلي ليلك جن

    يا ليلي ليلك جن
    معشوقك اوه وانّ
    ام مرحى فوق جبلنا
    اصلو الاكسير معدنا
    الشرب بالكوب والدنه
    وكل الغشاهو تهنا
    وبعد الارض سهلنا
    سقنا وتيرابا شتلنا
    تربالنا سامر وغنا
    صاح بالجلاله ورنا
    مطر الفيوض ما ونا
    نبعن سيوف الجنة
    توريقنا دور ودنا
    وعلج رقابو تحنى
    خدموهو اللبسو شرايتو
    وكل زول فرش سرايتو
    عدد السبعين مضرايتو
    صوبروهو غزو رايتو



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 10:59 am


    كلمات أغنية يا جمال النيل

    الحان/ مستر كيم اوق مان

    كلمات/ التجاني حاج موسي


    يا جمال النيل والخرطوم باليل

    ياراضعة من نيلين حضنوك من ازمان

    يا قبلة الزائرين يادرة السودان

    ضمخ شذى الياسمين والورد والريحان

    عشاق سمر باليل سحرم جمال النيل

    اجمل ليالي هنا لما القمر يظهر

    والونسة تبقي غنا والغنوة تتنقل

    وتفوت علي امدرمان وهناك تكون اجمل

    لوبس تطول ياليل وتزيد جمال النيل


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:01 am

    كلمات أغنية مشاوير المحبة

    عماد الدين إبراهيم


    يا مشاوير المحبة
    الكلمة تقلت
    والخطيــــــــوات الندية
    الغيمة الشالت...دمعة مرة
    غــــــــرَ قت أناتا أرواحنا الوفية
    الصدق أصبح في عيون الناس مظنة
    الصدف أصبح فينا كلمات هامشية
    والحقيقة بقت مخافة وانزوت في عمق أعماقنا الخفية

    يا مشاوير ضيعيني
    جدِدي الذاد للمشاوير الشقية
    توهي النور و بدِديهو
    خلي إظلامك يغيب
    كل لحظة فرحة فيا
    تبكي إحساسي الحنـيِــــــــن
    فتِريـني و دردِريـــني
    وأصلي ليك أنا ماني هيِــــــن
    كل نهاية تكون بداية
    كل وجعة تفرهد الإحساس جوايا
    وابقى عايش للعُوينات الوفية
    وابقى عايش عمري للصادقيـــن هدية



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:03 am

    أغنية صـرخة

    يحي فضل الله


    لي وين و كيف لمتـــــــــــين...يا ضحكة ضاعت وين
    يا حزن يا مرتاح.... بين الدموع و العين

    تعبت معاك الروح
    والليل حشد سهروا
    شباك حلم مقفول
    حرس المسافة يطول للفاتو ما رجعوا

    يا سكة لبيـتنا
    يا عتمة يا مشوار
    يا شارع الحِـلة
    ماضاعت الذكرى
    للغابو و الحضرو
    يا قمري يا قمرا
    يا سنسن و حمرا
    بسأل عن الأفراح و الخاطر المرتاح
    عن دنيا فيها سماح عن الصباح الراح
    لا ضو و لا أثرو

    لي وين و كيف لمتـــــــين...يا ضحكة ضاعت وين
    يا حزن يا مرتاح..بين الدموع و العين

    علِمنا يا مسكين
    ورينا عايش كيف
    دي الريح و غول الزيف
    بيشتتوا المطرة
    والفكرة قولة الحق مكتوفة مُكتسرة
    والخطوة نحوِك كيف
    والسكة دي خطرة
    أطفالنا و الأُمات...آمالنا و أحلامنا
    الحسة والجايات
    طوالي في وكرة
    لكن دا كلو يهون
    مهما الصباح مرهون
    والفرحة محتكرة
    البذرة مهما يكون حتبقى يوم شجرة



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:05 am

    كلمات أغنية أحتاج دوزنة


    أحتاجُ دوزنة وتراً جديداً
    لا ُيضيف إلى النشيدِ سوا النشـــــاز
    لغةً تُفتشُ عن أراضٍ خِصبةٍ
    شمساً تُغير طعم فاكهةِ الشتاء

    أحتاجُ مِفرزةً من الشعراءِ و الجوعى
    لنُعلن سُخطنا أو ننتهي منا باغنيةٍ تذاع

    بالشهداء
    بالفقراء
    بطفلنا الآتي
    بكوم اللاجِئين
    بالداعين في الصلوات
    هتـــــتفنا ما سمعتم
    ثم هاجرنا انصرفتم

    يا بحراً تجاوز في سكونِهِ كل حد
    يا بحر قم..حرِك تحرك
    أو فعُد نحو ابتلائك فالنهايات القديمة لا تُحد
    ألفُظ جحيمك
    أو فغادر ساحليك إلى الأبد
    تابعوا من شئتمُ أو طاوعوا من خفتمُ
    فالزاحفون إلى الفجيعة أنتمُ
    فقط إفهمـــــــــــــوا
    أن لا وثيقة أو وفاق
    ولا حقيقة أو نفاق
    تخفي عن الأطفال عورة من دفنتم مِن رِجال

    يا بحر قم..حرِك تحرك
    أو فعُد نحو ابتلائك فالنهايات القديمة لا تُحد


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:07 am

    الاهلية

    كلمات:محمد ود الرضى

    الحان: فاطمه بت بابكر


    بسم الله ابتديت متل البرق لاحت

    فى الشين والفسل بقينا نتباحت

    طال الكان قصير والعالى اتاحت

    والصولات حليلن ملكتن راحت



    مالك يا زمان شبعتنا هولا

    لبست الناس تيابا حاشا مى هولا

    يات من كان يجي دماعو مبهوله

    ولله راحت بقت البواجهولا



    مالك يا زمان شبعتنا وح ووحيح

    صح الدون كضب

    كضب العوالى صحيح

    يات من كان انا جعلتو لى صليح

    عقرب حزّه لى ويا نفسي زين ومليح



    فى احوال الزمن صار الفكر حاير

    والياباك خلو عندو شن داير

    فوق اهل الفكر كاس الوحيح داير

    نفد سوق النفاق سوق السمح باير



    تب الشباب ان بقا كواس

    تب الصبى ان قطع المروة خلاص

    تب الشايب ان بقى وسواس

    تب الاقربين الاتفاتتو الامغاص



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:09 am

    كلمات أغنية انتظار


    يالله هـــوي

    تعب اللسان

    من الشكيه

    و في ألحكي

    مسجون برأي

    محشور برأي

    وسط الشوارع

    وفي المدن

    مستني زول ما عارفو مين

    مستني ريد ما أظن يجي


    كلمات أغنية سارة


    زانقوا ماني لريري

    رونا ســــــــــاره

    زانـــــقوا ســـاره

    مالنــــجيا سيسـي

    ايي منفو كــــــــــو

    ســـــــاره ليـوسي

    اي را من فوكـــــــو

    ساره ليـــــــوسي



    عدل سابقا من قبل amir bukheit hussein في الخميس أكتوبر 27, 2011 11:13 am عدل 1 مرات


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:11 am

    كلمات أغنية ودود الابتسامة

    يا ودود الابتسامة

    يا ودود بشتكيلك

    منك الحزن الدفين

    خلى بالك للغمامة

    تملا تملا

    لم تنزل لا

    بتشكي

    ولا بتحكى إلا تطلع

    من أنين الأرض

    وردة وعش حمامة

    يا ودود الابتسامة يا ودود

    شفتك امبارح معايا

    كنت بين نايمة وصاحية

    تحتويني الريدة والشوق والعنا

    وانت صاحي

    ترفع ايدك للشموس العالية

    وتدفى الغناء

    وانت ميلك قلبي يا ابقلبا

    حنين وأنت ميلك


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:15 am

    كلمات أغنية عيناك

    عيناك لى سقيا وحلاوة اللقيا

    ان غابت الاصحاب وتركت مقهورا

    عار بلا انخاب

    اتلصص السقيا من فارغ الاكواب

    عيناك

    قلبي عليك يمور يا قارب البلور

    من لحنك المكسور

    الكف صار عليل

    لا يرسم اللوحات ولا يحمل الازميل

    ان غابت الاصحاب

    وتركت مقهورا عارا بلا انخاب

    اتلصص السقيا من فارغ الاكواب

    عيناك ......

    عينا
    ك


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:16 am

    أغنية حصار


    اقول باختصار لانك كانك هموم الحصار

    اهو بعدت عنك فايه يعني صار

    احبك تصور بكل الحواس

    لانك كانك براك انت ناس

    مشاعلك يضون بما لا يقاس

    ويخبن تجاهي ويصيبن نعاس

    احبك حمائم لاجل السلام

    فوق الغمائم تحلق دوام

    وما القى منك برغم الهيام

    سوى طيف وعودك كلام في كلام

    احبك تصور برغم الحواجز

    برغم الاماني الوساع العواجز

    اريدك تصور وافتح نوافذ

    يجي الفجر باكر منور وناجز



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:19 am


    أغنية تبتبا


    تبتبا تبتبا تبتبا تبتب

    باكر تعرف تقرا وتكتب

    وياما ترتب

    نحنا بنحلم وكم نتمنى

    هي تحقق كل ما تحب

    تبني حياتا الند بالند

    اي مكانة وخانة تسد

    هدهدا هدهد كل الورد ينوم ويفرهد

    زي عصفورة تطير وترك

    تحبا وتمسك وتاني تفك

    سيبا تفكفك سيبا تلكلك عايزة تنطط

    بكرة حترسم وياما تخطط

    بكرة حا يبنوا مدائن ضو

    ما بيعكر صفو الجو صفارة حرب

    تشطب من قاموس الدنيا

    الضرب الشك الخوف

    ينعموا كم بالشم والشوف واغاني الحب

    افتح بابك آمن تب

    زي ما النهر بيلقى مصب

    اي حمامة بتلقى الحب

    تلقى الورده الندى في الكم

    تلقى حداها جناها الام

    يرضع صافي حليب الحب

    نقدل نحنا الجد والعم

    تملا عيونا كهارب سد

    باباً جاب الهم والزم والصد ينسد

    نفرح لما ندمع جد

    مد البصر الامل يمتد

    العمل يشتد البنا ينتم الغنا يمتد

    هدهدا هدهد

    اكتبي اكتبي الف المد

    حمام وسلام وسعادة بجد

    اكتبي اكتبي ياء المد

    سرير وعصير وعبير ينشم

    اكتبي اكتبي واو المد

    حقول وعقول تقرا المجهول كتاب الغد

    اكتبي علم وسلم

    لا حد يئن لاتسمع بم

    لا ينزف دم

    لا يعجز رد

    لا يعجز طب

    لا دمعه في خد

    تبتبا تبتبا تبتبا تبتب


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:21 am



    أغنية يابا مع السلامة



    يابا مع السلامة يا سكة سلامة

    في الحزن المطير

    يا كالنخلة هامة

    قامة واستقامة

    هيبة مع البساطة

    اصدق ما يكون



    راحة ايديك تماماً متل الضفتين

    ضلك كم ترامى حضناً لليتامى

    خبزاً للذين هم لا يملكون

    بنفس البساطة والهمس الحنون

    ترحل يا حبيبي من باب الحياة لباب المنون



    روحك كالحمامة بترفرف هناك

    كم سيرة وسريرا من حولك ضراك

    والناس الذين خليتم وراك

    وعيونم حزينة بتبلل ثراك

    ابواب المدينة بتسلم عليك

    والشارع يتاوق يتنفس هواك



    يا حليلك حليلك يا حليل الحكاوي

    تتونس كانك يوم ما كنت ناوي

    تجمع لم تفرق بين الناس تساوي

    نارك ما بتحرق ما بتشد تلاوي

    ما بتحب تفرق من جيبك تداوي

    الحلم الجماعي والعدل اجتماعي والروح السماوي

    والحب الكبير



    في الزمن المكندك والحزن الاضافي

    جينا نقول نفرق نجي نلقاه مافي

    لا سافر مشرق لافتران وغافي

    وين عمي البطرق جواي القوافي

    يا كرسيه وسريرو هل ما زلت دافي

    يا مرتبتو امكن في مكتبتو قاعد يقرا وزهنو صافي



    يا تلك الترامس وينو الصوتو هامس

    كالمترار يساسق يمشي كما الحفيف

    كم في الذهن عالق ثرثرة المعالق والشاي اللطيف

    تصطف الكبابي اجمل من صبايا

    بينات الروابي والضل الوريف

    احمر زاهي باهي يلفت انتباهي

    هل سكر زيادة ام سكر خفيف

    ينده للبنية يديها الحلاوة

    والخاطر يطيب

    يدخل جنو منو محبوب الشقاوة

    يستنى النصيب



    الدفو والنداوة السنا والعبير

    كالغزلان هناك في الوادي الخصيب

    حيث الموية عذبة والغصن الرطيب

    كم تحت المخدة اكتر من مودة

    للجنا والغريب

    عش وعشب اخضر جدول من حليب

    يابا ابوي يا يابا

    الشمس البتطلع بلت منو ريقا

    والنجمة البتسطع فيه تشوف بريقا

    الندى في حركتو يطفيها الحريقة

    ننهل من بركتو زي شيخ الطريقة

    شاييهو وطرقتو والايدي الصديقة

    يلا نسد فرقتو حب الناس درقتو

    يا موت لو تركتو مننا قد سرقتو

    كنا نقول ده وقتو لكنك حقيقة



    النفاجو فاتح ما بين دين ودين

    نفحة محمدية دفئاً كالضريح

    ميضنة كم تلالي جيداً في اليالي

    مجداً في الاعالي

    مريم والمسيح


    قلباً نبضو واصل ما بين جيل جيل

    ما بين كان وحاصل او ما قد يكون

    ما بتشوف فواصل الا الذكريات

    وآلام المفاصل بعضاً من شجون

    يابا مع السلامة يا سكة سلامة
    في الحزن المطير



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:28 am

    أغنية باب السنط


    ود باب السنط والدكة والنفاج

    والحوش الوسيع للساكنين افواج

    واللمة التى ربت جنا المحتاج

    والنار الدغش

    والريكة جنب الصاج

    والسكسك المنضوم

    حول الجبينة نجوم

    والفنجرية تقوم

    تقهوج الحجاج

    طق طرق يا بن

    القهوه كيف ومزاج

    طق طرق يا بن

    خلي النعدل الراس

    ونحصل الترماى


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 11:33 am

    أغنية فارس الحوبه


    ابوي يا فارس الحوبه .. دخر السنين لينا
    أكان للكرم والجود ضيف الهجعه عشينه
    ويا الفاتت فضايله حدود يتيم الحله ربيناه
    يا الضل الضليل ممدود عنوان الكرم بيته
    يا ركازة المسنود فيضك ديمه ساقينا
    ظاهر جوه وسط الناس يضوي فوق جبينه صلاح
    قاهر في وشي الفراس مرنا ما بيعقبوا الراح
    علما بحره ما بينقاس موشح بالفضيله سلاح
    سيرتك باقيه لينا الساس وخالد للابد فين
    ا


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 12:08 pm

    كلمات أغنية من ام در

    ام در يا ربوع سودانا نحييك وانت كل امالنا
    في غربك عروس الرمال ..... وفي شرقك اية جمال
    وجنوبك واسع مجال يا لاوة رطبك في الشمال
    نحييك في القري والباديه وفي كل الاراضي الهاديه
    وفي الخرطوم زهورك ناديه تهواك النفوس ليك راضيه
    بنعيم الجنوب جود لينا ومن فيض كردفان اغنينا
    وفي شرقط رصيد وادينا شمالك فيه بركاوينا
    نحن اولاد بلد نقعد نقوم على كيفنا
    في لقي في عدم دايما مخرف صيفنا
    نحن اب حرز بنعلاه وبنكرم ضيفنا
    نحن الفوق رقاب الناس مجرب سيفنا
    تطرب بيك جميع اجيالك وفي كل البقع ترضي لك
    طوالي الفرح في بالك يا ربوع شفنا استقبالك
    سودانا فوق زحل مرفوع وخيراتك تفيض نوع نوع


    كلمات أغنية جبنه

    يا بنيا سوي الجبنه فوق ضل الضحاويه
    سويها الجبنه التسويها حالف ما بخليها
    بي شماله فنجان جبنه بي شماله يسوي الدنيا بي حاله
    جارتنا بت ام ريده جارتنا ما بتربح تجارتنا
    بي ديشو بابور حربي بابور ماشي طوالي
    يا اللوري عليك الله يا اللوري عليك الرسول بوري



    كلمات أغنية الله .. الله

    طهر جنابك بالاذكار ما فيك زل بها كل عيب كامن فيك
    الذكر خير انيس تستريح به فهو الذي بكؤوس الحب يسقيك
    يشربه العارف الشيخ الذي كملت اخلاقه وبنور الله يجليك
    جالس اولي الخير واستأثر مودتهم ان لم تجدهم فذكر الله يكفيك
    الصالحون اذا جالستهم نفعوك بين الوري وجليس السوء يؤذيك
    وقف على قدم الاداب منكسرا مع التواضع لا تنسي مساويك
    رد الحقوق لاهلها على عجل حتي ولو كانت مساويك
    اعرف حقوق الذي يعلوك منزلة ان كان دونك او اضحي مساويك
    كن ناصحا وامينا غير ذي ريب من غشنا ليس منا قول هاديك
    وعامل الناس بالاحسان محتسبا عسي بذلك رب العرش يجزيك
    افشي السلام وان في ما تقول وصن وكال حلالا يصلي في دياجيك



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 12:12 pm

    كل ما نقول



    كل مانقول خلصنا الليل

    يطلع باكر ليلا" أطــول

    كل مانقول كملنا الشيل

    تطلع شيلة باكر أتقل

    بس نتحمل ونصبر ونأمل

    انو الجاى صباحا" أجمل

    لكــــــــــــــن كيـــــــــف

    وطعم الريد في جوانا اتحول

    مرة تشيلك فــــــوق الفوق

    مرات تملاك فاقه وضيق

    تلقى الدنيا تلم في هموما

    تفتح جرحك وأنت تضو ق

    تنسى تقول مامنها مـــــنى

    دايما بحلم وانأ ممحـــــوق

    قلنا كنير الشارع بقصــــر

    لما نصــــبر نحنا نــكــون

    لما الزول في يوم يتعـــتر

    بكـــره القاسو الشافو يهون

    وبكره بنمشي ألخطوه الأولي

    التانيه التالته

    الرابعة الخامسة

    فــــــــــجــــــــــــــــــــــأة

    نلقي الشارع قسي وأتحجر

    نلقي الحلم الفينا أتكـــــــسر

    ويبــــــــقى الـــــــــــــزول

    مسجون مجــــــنون مغبون

    بالــــــــــــهم مسكـــــــون

    منحوس ويكوس ويـــكوس

    هسه دا شارع ماشى لي وين

    لينه عليه سنين وسنين

    نمشى كأننا ما ماشين نفتح

    سكه نسد اتنين

    هوى يا شارع ماشى لي وين


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 1:16 pm

    بختي

    كلمات محجوب شريف


    في اللحظة ديك والتو........ لحظة الميلاد
    كنت ومضة ضؤ
    فرهدت بيك فرهيد .... وانتشيت بالريد
    وطرت بيك الجو
    قالو ايضا بت .....
    قلت مالو ولو
    بختي بختي .. انت بتي .. امي واختي.. همي شيلي .. شيلي مني.. مني ختي

    إتي

    بشوفها عز التبتبة
    بتي البريدة مرتبة
    دولابا داك والمرتبا
    جات من قبيل من مكتبا
    ادت ابوها مرتبا
    سددنا دين دكان حسين ...كستني توب
    نجدنا كم.. كم مرتبه
    جيهت بيتنا القديم
    السقف داك والمسطبة

    قيرا قيرا يا مهيرة
    ياشتلاية جاتا مطيرة
    تكبري انت تشيلي حملنا
    وتزيدينا ترانا كملنا
    نسمع عنك ما يفرحنا
    الاستاذة دي كتر خيرا
    يوم تلقانا ...بتوصلنا
    وتحصلنا ...تفك الحيرة
    ما بتتعنت وما بتتصنت
    ما بتاوق في حق غيرا



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 1:17 pm


    رسالة الى مريم محمود


    ياوالدة يا مريم ... يا عامرة حنية

    أنا عندي زيك كم ... يا طيبة النية

    بشتاق وما بندم ... اتصبري شوية

    يا والدة يا مريم

    ما ني الوليد العاق ... لا خنتّ لا سراق

    والعسكري الفراق ... بين قلبك الساساق

    وبيني هو البندم ... والدايرو ما بنتم

    يا والدة يا مريم

    عارف حنانك ليّ راجيك تلوليني

    دايماً تقيليني وفى العين تشيليني

    ألقاه عز الليل قلبك يدفيني

    ضلك عليَّ مشرور قيلت فى سنيني

    أنا لو تعرفيني لو تعرفي الفيني

    أنا كم بحبك كم

    والعسكري الفراق بين قلبك الساساق

    وبيني هو البندم ... والدايرو ما بنتم

    يا والدة يا مريم

    طول النهار والليل فى عيني شايلك شيل

    لكني شادّي الحيل لا خوف عليَّ لا هم

    هاك قلبي ليك منديل الدمعة لما تسيل

    قشيها يا مريم

    والعسكري الفراق بين قلبك الساساق

    وبيني هو البندم ... والدايرو ما بنتم

    يا والدة يا مريم

    ما بركب السرجين وما ني زولاً شين

    يا والدة دينك كم دين الوطن كمين

    ما شفتي ود الزين الكان وحيد أمه

    ماليلا كان العين قالولو ناسك كم

    ورينا ناسك وين .. ورينا شان تسلم

    العودو خاتي الشق ما قال وحاتك طق

    تب ما وقف بين بين لى موتو اتقدم

    قال أنا ما بجيب الشين أنا ما بجيب الشين

    أنا لو سقوني الدم

    والعسكري الفراق بين قلبك الساساق

    وبيني هو البندم ... والدايرو ما بنتم

    يا والدة يا مريم

    كم من حبيباً ليَّ كان مالي بينا دروب

    ما ودع الحبان ما وسدوه الطوب

    حي قولي ما حي ووب

    حي قولي ما حي ووب

    ما خلى ساعة الموت يمه السرج مقلوب

    اتشتت الرصاص فى جسمو واتقسم

    لاقاهو يتبسم والحولو حيله وكان

    ريحة صباه تتشم

    زي التقول يومداك يوم العرس يادوب

    قال أنا ما بجيب الشين أنا لو سقوني الدم

    والعسكري الفراق بين قلبك الساساق

    وبيني هو البندم ... والدايرو ما بنتم

    يا والدة يا مريم

    يمه السجن مليان رجالة ما بتنداس

    الختو قبلي الساس والشالو هم الناس

    والفات وليدن ليهو ما مسكو الكراس

    ما سمعو يتكلم ما نحن عود الفاس

    فرسان حمى وحراس فى الحارة نتحزم

    عشم القدر ما كاس ما لاقى بيت يتلم

    عشم الطواه الجوع المتعب المعدم

    والعسكري الفراق بين قلبك الساساق

    وبيني هو البندم ... والدايرو ما بنتم

    يا والدة يا مريم

    ما تقولي شن سويت ما تبكي شن سويت

    غير البطمن ناس بى همهم ساويت

    فارس مع الفرسان حارس بلدنا البيت

    أخواني علو السور أنا طوبة ما ختيت

    ديل من زمن تاتيت لامن كتبتَّ قريت

    عرقنا ياما يدر يمه اللبن والزيت

    الكسرة والكراس لى قشة الكبريت

    تقولي جيداً جيت راجع مع الفرسان

    فايت الحدود واسيت

    وتغني يا مريم لينا وتجري النم

    والعسكري الفراق بين قلبك الساساق

    وبيني هو البندم ... والدايرو ما بنتم

    يا والدة يا مريم


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 1:20 pm

    صداح الغنا المكتوم
    كلمات : محمد طه القدّال
    ألحان : شريف شرحبيل

    يامحبوبي
    هاك مني مكتوبي
    صداح الغني المكتوم
    مداح الجمال والنوم
    كلمة حب
    في قلب حبيبي
    وقليب حبيبي من توبي
    توشوش جوه قلب النيل
    مع اللهفه العلي ولدي
    يامعشوقي
    ليك من شوقي كل الشوق
    فيالخرطوم
    اذا نامت عليك عيون
    تشوف الضلمه في الضحى
    والنهار مخنوق
    ولو غنيتي والغنا للسلام مخلوق
    اعرفي انك
    الزمن اللى جاي شروق
    فيا الخرطوم عيو ن الحق مابتنوم
    اعرفي انك الزمن اللى جاي شروق
    واعرفي انك الزمن الحبيبو حنون


    خطوه .. خطوه

    خطوه خطوه مشينا ... والقمر شاهد علينا

    دامنا جماعه شباب .... ما نخاف من الصعاب

    رحلة الحب الجميله .... جمعتنا بقلب واحد

    نلتقي في كل ليله ... ربنا عالم وشاهد

    ننشر الود والمحبه .... نجمع قلوب الاحبه

    والحزن خلاه يسافر .... ما نبغي نوقف في دربه


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 2:02 pm

    ساجور

    كلمات : جمال حسن سعيد
    الحان : طارق جويلى
    ساجور ما انفكّ
    فى رحم الغيب ما انفكّ
    ما باح الغيم بي سر الضيم
    والناس نضيم فى الفارغة
    ساجور ما انفكّ
    سؤال فى القمر الخنق فى الحلة
    ما اندق صفيح
    ما انشدّ بليلة
    بليلة وفال
    ما اتغنى مديح
    وما فكّ ضفايرك للريح
    والناس بتصيح فى الفارغة


    فاجانى النهار
    للراحل مجدي مكي

    وأنا ماشى بيناتا

    أتساقط باقي حنين

    لسه عيونك ياها عيونك

    تكسر باب الدم السرى

    وتجرى تنعس عشب القلب

    وتبكى سماهو فراش

    يا ناعس بين الخلوه وريحة الصندل

    فلت الطين

    النيل قصاها ضفيرتو

    وشراها رماد

    وفجا حنين

    يسرى الحلم الموجوع

    لابطلع وقت القياء

    ولا بهجرنى جواي ضلوع

    يا مولود مظلوم في رئتك

    ميز ريحة المطره او اتخيل بيناتنا رزاز

    انا حلفت بنات الشجر

    الماطر ماتنزل صفقه

    تعرى صفير الريح

    يلقى غناهو صرصار

    الليل الماكر

    همست شجره لتانى شعاع رباني

    شاقي الحله

    يدخل صرة شافع

    ويطلع ايقاع نوبه

    احنا حفايه في بلدك اتلفتت فوق كتفينا

    ود العين ندى وطار

    عصفور نبت فينى الريش

    صفقت جريت فرحان

    ما تغطيني إنا عرقان من وهجي الفينى


    المدينة
    للشاعر/ هاشم صديق
    الحان / عثمان النو

    دي المدينة وديل ايديا
    داير اكتب انا في النوافز اه في المنافز
    اسمي تاريخي وحكاوي الرحلة في الزمن المعاصر
    داير اقول كل الكلام
    الما اتفهم لي جاري
    لي صاحبي واخويا
    ولا اتشرح جوه الدفاتر
    داير اقول همسي الصريح
    وقصه الحزن المحكر جوه فيني
    في دروب الدنيا متغرب مسافر
    دي المدينة وديل ايديا

    اه اه يايمه لسه بخوض في بحر الزيف
    رمل الصحرا غمر بستاني طال الصيف
    ومازارني خريف طال يايمه
    لسه بخوض في بحر الزيف

    مشيت في الشوك لي ضريحك ابكي
    مره اكابد ومره اعاني
    مره اقيف اتنفس لحظه
    واعود من تاني اخوض في الزيف
    اه اه يايمه لسه بخوض في بحر الزيف


    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.
    avatar
    amir bukheit hussein
    المدير العام

    عدد المساهمات : 238
    نقاط : 3183
    السٌّمعَة : 21
    تاريخ التسجيل : 21/04/2011
    العمر : 34
    الموقع : Nairobi - kenya

    رد: كلمات اغانى مجموعة عقدالجلاد .

    مُساهمة من طرف amir bukheit hussein في الخميس أكتوبر 27, 2011 2:04 pm

    عطبره

    اشعار : جمال عبد الرحيم
    الحان : طارق جويلي


    من قمت من بيتنا ومشيت
    بطاقتي صورة مصغرة
    شايل معاي شنطة صفيح
    حزمة هموم
    ولدا متين بقي للسفر والاغتراب والدردرة
    كان الزمان لسة رضى
    والناس ظروفها مقدرة
    وانا في القطار اصغر صبي
    امال تفيض متفجرة
    لما القطار صفر وقف
    بهرتني صورة عطبرة
    دي محطة الوطن الكبير كانت تضج متحضرة
    ونزلت ماشي على الرصيف
    اغبش هدومي مغبرة
    الهجرة من زمناً قديم زي ساقية فينا مدورة..
    عائلة ابوي عبد الرحيم من حلفا جات متهجرة
    اديلة او والله رن فجلي
    بلد نفاي اموقا كجلي نورين موقو
    كن جواب كفاي
    دقيتني نفص كورين لوجي
    نفس القطارات والسكك
    يوم مقبلة ويوم مدبرة
    كان عمري 12 سنة
    شايل التقيلة مبكرة
    رحال بدون زاد لا متاع
    كان لي كتاب ومفكرة
    لميت شتات بعض الحروف
    وقرايتي تبدو مكسرة
    من قمت من بيتنا ومشيت
    بطاقتي صورة مصغرة
    شايل معاي شنطة صفيح حزمة هموم
    ولدا متين بقي للسفر والاغتراب والدردرة



    مشاوير المحبة

    كلمات : عماد الدين ابراهيم
    الحان : الاستاذ النو

    يا مشاوير المحبة
    الكلمة تقلت
    والخطيــوات الندية
    الغيمة الشالت...دمعة مرة
    غــرَ قت أناتا أرواحنا الوفية
    الصدق أصبح في عيون الناس مظنة
    الصدف أصبح فينا كلمات هامشية
    والحقيقة بقت مخافة وانزوت في عمق أعماقنا الخفية
    يا مشاوير ضيعيني
    جدِدي الذاد للمشاوير الشقية
    توهي النور بدِديهو
    خلي إظلامك يغيب
    كل لحظة فرحة فيا
    بكي إحساسي الحنـيِــن
    فتِريـني و دردِريـــني
    وأصلي ليك أنا ماني هيِــن
    كل نهاية تكون بداية
    كل وجعة تفرهد الإحساس جوايا
    وابقى عايش للعُوينات الوفية
    وابدا عايش عمري للصادقيـــن هدية



    _________________
    من وثق بالله أغناه ومن توكل عليه كفاه ومن خافه قلت مخافته ومن عرفه تمت معرفته.

      الوقت/التاريخ الآن هو الأربعاء أغسطس 15, 2018 8:14 pm